بتنفسك !!
بتنفسك.. لحظه زفيرك شهقتي...
و بستنشقك لحظة شهيقك زفرتي ...
بتحسسك.. في كل مواطن الحس معاي
ما أظن تفارق دنيتي ....
بتقمصك لون الفرح فنان بيرسم بسمتي ...
وراجياك أنا
تتحمل الأهات معاي بلسم بعالج علتي ...
دايراك تكون امي وأبوي
تديني قلبك وأي شي ...
أمنحني لحظة إنتشاء
لو حتى بي موت بنتشي
ما ميتة في حبك زمن
حبك بحنط جثتي
وينفخ عليها يحركها
ويديها إحساس بالمشي
حبك بزيد من قوتي
أوهبني بهجة بلا تمن
أحميني من غدر الزمن
ونسني في ليل غربتي
وأحضن جراحك بي جروحي
ونلتئم
وحد مواجعك وأنصهر في وجعتي
حدد مكانك ووجهتي
سافرت حا أسافر معاك
لو حتى نمشي وما نجي
فكرت حا أفكر معاك بكل حواسي وقدرتي
ولو مرة في الأيام بكيت تسبق مدامعك دمعتي
أو مرة ضحكاتك عِلت
شقت سماك وجلجلت
حا تلاقي تشفي بضحكتي
أنحتني تمثال من صبر
أعجني شكِّل لوحتي
ساعدني فرج كربتي
وخلصني من قيد أزمتي
ما أنت مفتاح جنتي
أنت المسيح الخلقو في شأن نجدتي
و بستنشقك لحظة شهيقك زفرتي ...
يا أغلي زول مُسجِل حضور في دنيتي...
رايك شنو أكتب عليك ممنوع دخولك ومرقتي !!
وأقفل وراك كل السكك.. يا سكتك يا سكتي !!
و بستنشقك لحظة شهيقك زفرتي ...
بتحسسك.. في كل مواطن الحس معاي
ما أظن تفارق دنيتي ....
بتقمصك لون الفرح فنان بيرسم بسمتي ...
وراجياك أنا
تتحمل الأهات معاي بلسم بعالج علتي ...
دايراك تكون امي وأبوي
تديني قلبك وأي شي ...
أمنحني لحظة إنتشاء
لو حتى بي موت بنتشي
ما ميتة في حبك زمن
حبك بحنط جثتي
وينفخ عليها يحركها
ويديها إحساس بالمشي
حبك بزيد من قوتي
أوهبني بهجة بلا تمن
أحميني من غدر الزمن
ونسني في ليل غربتي
وأحضن جراحك بي جروحي
ونلتئم
وحد مواجعك وأنصهر في وجعتي
حدد مكانك ووجهتي
سافرت حا أسافر معاك
لو حتى نمشي وما نجي
فكرت حا أفكر معاك بكل حواسي وقدرتي
ولو مرة في الأيام بكيت تسبق مدامعك دمعتي
أو مرة ضحكاتك عِلت
شقت سماك وجلجلت
حا تلاقي تشفي بضحكتي
أنحتني تمثال من صبر
أعجني شكِّل لوحتي
ساعدني فرج كربتي
وخلصني من قيد أزمتي
ما أنت مفتاح جنتي
أنت المسيح الخلقو في شأن نجدتي
و بستنشقك لحظة شهيقك زفرتي ...
يا أغلي زول مُسجِل حضور في دنيتي...
رايك شنو أكتب عليك ممنوع دخولك ومرقتي !!
وأقفل وراك كل السكك.. يا سكتك يا سكتي !!
